منو
دهانین صدفدیر، دیشلرین اینجی
دهانین صدفدیر، دیشلرین اینجی،
ساناسان آغیزین پۆسته‌دیر، آی قؽز!
خومار گؤزلرینی سئوندن بری،
درده دۆشوب جانیم خسته‌دیر، آی قؽز!
سراسر اندامین تزه قار کیمی،
زۆلفون گردنینده شاه-مار کیمی،
رنگی بیاض، اؤزو خؽردا نار کیمی،
قوینونداکی عجب نسته‌دیر، آی قؽز!
نیقاب چکیب مندن یاشینما، ظالیم،
پریشان اولوبدور منیم احوالیم،
عقل و هوشوم منیم، فیکر و خیالیم
شوخ گؤزده، غمزه‌ده بسته‌دیر، آی قؽز!
جمالین گۆنشدیر، قمردیر اۆزون،
شکردیر دهانین، شیریندیر سؤزون،
یاغیدیر مۆژگانین، جادودور گؤزون،
جلّاد کیمی غمزه‌ن قصده‌دیر، آی قؽز!
واقیفم، من مجنون، سن منیم لئیلیم،
باخدیقجا، گؤزومدن تؤکورم سئیلیم،
من سنه مایلم، سنده‌دیر مئیلیم،
دئمه، سندن غئیری کسده‌دیر، آی قؽز!
ساناسان آغیزین پۆسته‌دیر، آی قؽز!
خومار گؤزلرینی سئوندن بری،
درده دۆشوب جانیم خسته‌دیر، آی قؽز!
سراسر اندامین تزه قار کیمی،
زۆلفون گردنینده شاه-مار کیمی،
رنگی بیاض، اؤزو خؽردا نار کیمی،
قوینونداکی عجب نسته‌دیر، آی قؽز!
نیقاب چکیب مندن یاشینما، ظالیم،
پریشان اولوبدور منیم احوالیم،
عقل و هوشوم منیم، فیکر و خیالیم
شوخ گؤزده، غمزه‌ده بسته‌دیر، آی قؽز!
جمالین گۆنشدیر، قمردیر اۆزون،
شکردیر دهانین، شیریندیر سؤزون،
یاغیدیر مۆژگانین، جادودور گؤزون،
جلّاد کیمی غمزه‌ن قصده‌دیر، آی قؽز!
واقیفم، من مجنون، سن منیم لئیلیم،
باخدیقجا، گؤزومدن تؤکورم سئیلیم،
من سنه مایلم، سنده‌دیر مئیلیم،
دئمه، سندن غئیری کسده‌دیر، آی قؽز!