چوخدان بری یارین فراقیندهیم
چوخدان بری یارین فراقیندهیم،
نه اولایدی بیر بورایا گلهیدی،
چکهیدی کؤنلومو کۆنج-ظۆلمتدن،
دؤندرهیدی اۆزون آیه، گلهیدی.
گؤرمهیه-گؤرمهیه گۆلعوذاریمی،
بۆلبول تک آرتیردیم آه و زاریمی.
طبیبیم اولوبان بو آزاریمی
یئتیرهیدی بیر دوایه، گلهیدی.
گئدیبن کویینده قؽللام شیونی،
یؽغارام باشیما دوستو، دۆشمنی،
او ها بیللم گلمز گؤرمگه منی،
باری، گئندن تاماشایه گلهیدی.
اۆنومدن تیترهدی تامام ویلایت،
ائله ساندیلار کی، قوپدو قیامت،
نه قاییم دوروبدور اول سرو-قامت،
ترپنهیدی، بیر لرزایه گلهیدی.
جمع اولسا یانیمدا تامام صنملر،
داغیلماز کؤنلومدن فیکر و الَملر
آیاغا سالیبدیر واقیفی غملر،
باش چکهیدی بینوایه گلهیدی.