ای آفتاب عشق! رخون آفتاب ایمیش
ای آفتاب عشق! رخون آفتاب ایمیش.
وجهین حروفی آیهی ام الکتاب ایمیش.
یارب! نه حسن ایمیش بو ملاحتده کیم اونون،
تعریف وجه شانینه حقدن خطاب ایمیش.
کفر و ایمان ایمیش رخ و زولفون حقیقتی،
کالنور فی السّواد عجب ماهتاب ایمیش.
یاخدی فراق اودویلا منی حسرت و غمین،
گل گیل که حسرتین غمی یوم العذاب ایمیش.
اسرار کنت کنزی بیان ائیلهدی لبین،
نظارهی جهانه رخون آفتاب ایمیش.
یارین غمینده قیلما شکایت حقیقیا!
یارین غم و فراقی چو ناز و عتاب ایمیش.