منو
قیلدی منیر عالمی، شاهد من جمالیله
قیلدی منیر عالمی، شاهد من جمالیله،
مصحف ربّ ایمیش رخی، آیت خط و خالیله.
چشم ایله زلف و خالینین درد و غم و فراقینی،
گل منه سور! که جانیمی یاخمیشام اول خیالیله.
جام لبینده جرعه‌سی باده‌ی عشق ایمیش مگر؟
مست الست ائدر بیزی کوثر ذوالجلالیله.
حسنونه چون زمانه‌ده کیمسه برابر اولمادی،
توتدو جهانی سربسر حسن ایله و جمالیله.
ای منی داغ و حسرته یاندروبان هلاک ائدن!
گل نظر ائیله حالیما، قویما منی بو حالیله!
تشنه لبم دئین کؤنول کوثر جانفزاسینا
عین حیاته وصل اولا سلسبیل زلالیله.
عشوه و نازیلن منی گرچه یاخیر جفاسینه،
رنگیمی لاله گون ائدر لبلری خمر آلیله.
آل ایلن اول قارا گؤزون غمزه‌سی دلدی باغریمی،
دور زمانه فتنه‌سی یاخدی منی بو آلیله
عشق رخینده دلبرین اول ایریشیر مراده کیم،
جان و جهانی وارلیغین ترک ائده ملک و مالیله.
وئردی حقیقی کؤنلونو شاهد لامکانه چون،
شوکت جاودان دیلر رحمت لایزالیله.
مصحف ربّ ایمیش رخی، آیت خط و خالیله.
چشم ایله زلف و خالینین درد و غم و فراقینی،
گل منه سور! که جانیمی یاخمیشام اول خیالیله.
جام لبینده جرعه‌سی باده‌ی عشق ایمیش مگر؟
مست الست ائدر بیزی کوثر ذوالجلالیله.
حسنونه چون زمانه‌ده کیمسه برابر اولمادی،
توتدو جهانی سربسر حسن ایله و جمالیله.
ای منی داغ و حسرته یاندروبان هلاک ائدن!
گل نظر ائیله حالیما، قویما منی بو حالیله!
تشنه لبم دئین کؤنول کوثر جانفزاسینا
عین حیاته وصل اولا سلسبیل زلالیله.
عشوه و نازیلن منی گرچه یاخیر جفاسینه،
رنگیمی لاله گون ائدر لبلری خمر آلیله.
آل ایلن اول قارا گؤزون غمزه‌سی دلدی باغریمی،
دور زمانه فتنه‌سی یاخدی منی بو آلیله
عشق رخینده دلبرین اول ایریشیر مراده کیم،
جان و جهانی وارلیغین ترک ائده ملک و مالیله.
وئردی حقیقی کؤنلونو شاهد لامکانه چون،
شوکت جاودان دیلر رحمت لایزالیله.