تا که حسنون صورت و معنیده دعوی گؤستریر
تا که حسنون صورت و معنیده دعوی گؤستریر،
عارضین نوری جمالیندان تجلی گؤستریر.
سجدهی ایمان گتیرمز قاشلارین محرابینا،
هر بصیرتسیز کیم اونو طاق کسری گؤستریر.
سورهی سبع المثانی خط رخساریندهدیر،
شول جهتدن صورتین هر شئیده معنی گؤستریر.
ای مسیحادم! سنین انفاس لعلین عاشقه،
نفخهی روح القدسدان نطق عیسی گؤستریر.
کیم که عاشق اولماز اول معشوقهنین رخسارینه،
اهل دل اول مشرکی معنیده اعمی گؤستریر.
زاهدا! گل سجده قیل شول صورت رحمانه سن،
سجدهی حقّی سنه چون اهل تقوی گؤستریر.
چون حقیقی هر که منصور اولدی در میدان عشق،
بر سر دار محبت شرط دعوی گؤستریر.