طالب یارم ازلدن، یاره مشتاقم یئنه

طالب یارم ازلدن، یاره مشتاقم یئنه،
جنّتین کویینده اول دلداره مشتاقم یئنه.
گرچه دیداریندا یئتدی جان و دل مقصودینه،
حمدلله کیم من اول دیداره مشتاقم یئنه.
دنیا و عقبی حرام اولدو منه بیوصل یار،
یار ایلن یارم ازلدن، یاره مشتاقم یئنه.
عشقینین اسرارینی فاش ائتمیشم عالمده من،
گل بو سرّی گؤر کیم اول اسراره مشتاقم یئنه!
قیلمیشام شهناز ایلن عشاق شرحین در عراق،
بو مقامیندان من اول ادواره مشتاقم یئنه.
جنّت آباد سر کوییندن آیری دلبرین،
بلبل آشفته‌ام، گلزاره مشتاقم یئنه.
چون حقیقی دعوی منصور اگر قیلسام، نولار؟
ناصر منصوره حیران، داره مشتاقم یئنه.