آخشام...
گؤی فیکیرلی...
دنیز نیگاران...
بس اوردا،
داغلاردا
نئجهدیر آخشام؟
من باخان داغلارا،
آی منسیز باخان،
سن باخان دنیزه سنسیز باخیرام.
فیکیرلر اریییر
دومانلار کیمی،
سسیم ساحیللردن زیروهیه چاتیر،
اوردا چایلار آخیر عۆمّانلار کیمی،
بورداسا دالغالار داغلار بویدادیر.
او یئرده چؽرپینیر قلبیم هاچاقدیر،
سسلنیر داغلارین آغ زیروهسیندن.
دئمه کی، داغلاردان دنیز اوزاقدیر،
دنیز کی، باشلانیر داغ زیروهسیندن.
دنیز دالغالانار هر سحر-آخشام،
قاری اریدیکجه اوجا زیروهنین.
اگر سن داغسانسا، من ده عۆمّانام،
ایلک داملام زیروهندن
باشلانیر سنین.
۱۹۶۸