منو
مارال
قالین مئشه‌لیکدن تالایا چؽخدین،
دوروب اۆرکک-اۆرکک دؤرد یانا باخدین،
بلکه دۆز اۆستومه یوللاناجاقدین،
منی گؤرمه‌سه‌یدین اگر سن، مارال؟
بس نیه بوینونو اگیرسن، مارال؟
گؤر نئجه قارادیر، قارا گؤزلرین،
ووروب نئچه قلبه یارا گؤزلرین.
دئ، بئله زیللنیب هارا گؤزلرین؟
نیه ملول-ملول باخیرسان، مارال؟
کؤنلومو یاندیریب-یاخیرسان، مارال؟
دئ، هانسی دره‌دن، دۆزدن کئچمیسن؟
اؤزونه هارانی اویلاق سئچمیسن؟
هانسی بولاقلاردان، دئ، سو ایچمیسن؟
کئچدیگین یئرلردن کئچه‌یدیم، مارال!
ایچدیگین سولاردان ایچه‌یدیم، مارال!
قاچما، پؤهره‌لیکدن اۆزه چؽخ، دایان،
چؤکر گؤزلریمه قارانلیق، دایان.
باری، هئچ اولماسا، بیر آنلیق، دایان،
قوی باخیم دویونجا سنه، آی مارال!
تلسمه، گئدرسن یئنه، آی مارال!
قویسان، لاپ یانینا گلرم سنین،
اوخشاییب قدرینی بیلرم سنین.
گؤزلرین یاشارسا سیلرم سنین،
نه‌دیر اۆزونده‌کی سوال، آی مارال؟
من اووچو دئییلم، مارال، آی مارال!
۱۹۵۶
دوروب اۆرکک-اۆرکک دؤرد یانا باخدین،
بلکه دۆز اۆستومه یوللاناجاقدین،
منی گؤرمه‌سه‌یدین اگر سن، مارال؟
بس نیه بوینونو اگیرسن، مارال؟
گؤر نئجه قارادیر، قارا گؤزلرین،
ووروب نئچه قلبه یارا گؤزلرین.
دئ، بئله زیللنیب هارا گؤزلرین؟
نیه ملول-ملول باخیرسان، مارال؟
کؤنلومو یاندیریب-یاخیرسان، مارال؟
دئ، هانسی دره‌دن، دۆزدن کئچمیسن؟
اؤزونه هارانی اویلاق سئچمیسن؟
هانسی بولاقلاردان، دئ، سو ایچمیسن؟
کئچدیگین یئرلردن کئچه‌یدیم، مارال!
ایچدیگین سولاردان ایچه‌یدیم، مارال!
قاچما، پؤهره‌لیکدن اۆزه چؽخ، دایان،
چؤکر گؤزلریمه قارانلیق، دایان.
باری، هئچ اولماسا، بیر آنلیق، دایان،
قوی باخیم دویونجا سنه، آی مارال!
تلسمه، گئدرسن یئنه، آی مارال!
قویسان، لاپ یانینا گلرم سنین،
اوخشاییب قدرینی بیلرم سنین.
گؤزلرین یاشارسا سیلرم سنین،
نه‌دیر اۆزونده‌کی سوال، آی مارال؟
من اووچو دئییلم، مارال، آی مارال!
۱۹۵۶