چیچک

بو گۆن گؤزلریمه دیدی بیر چیچک،
یارپاغی بزکلی، رنگی سحرتک.
اونو من اوزاقدان گؤرورکن، دۆزو،
قوپدو دوداغیمدان "گؤزلدیر" سؤزو.

من اونا یاناشیب باخدیغیم زامان،
اؤزوم ده سؤزومه اولدوم پئشیمان.
دئمه، ساختا گۆلموش او ظریف چیچک،
یارپاغی بزکلی، رنگی سحرتک.

جانلاندی قارشیمدا، نورانی اۆزلو،
عزیز، مرحوم بابام دوداغی سؤزلو،
ائله بیل سؤیله‌دی یئنیدن بو آن:
"ظاهیره آلدانما باخیب اوزاقدان".

۱۹۴۴