منو
یاریمچیق زیارت
زینقیروو سسلری یئری تیتردیر،
کاروان گئدیر گؤرن، هایانا ساری؟
نه قورخونج اولورموش صحرا ظۆلمتی،
سوووروب هایقیریر قوم توفانلاری،
یول هانی؟
قوم سئلی
شۆتویور یئرله،
یوخ اوزاق ائولرین اود ایشارتی‌سی،
دوه‌لر یئری‌ییر آغیر لپیرله،
دوه کؤوشگینده قوم خؽرچیلتی‌سی.
جاناوار گؤزلری یاندی، کؤزردی،
نئجه اؤلوم گلیر قاراباقارا،
هله زؽنقیروولار سیرلی سیپردی،
سۆرونن او حریص پاریلتی‌لارا.
ساربان سؤیکنرک اؤز چوماغینا،
دۆشوب یورغون-یورغون یولون آغینا.
صحرانین کۆلگی دؤنوب قؽلینجا،
بۆرویور کوللاری قوملار تپه‌سی.
زوّارلار تلسیر کاروان دالینجا،
فقط کسیلمه‌ییر اولاشما سسی.
اینینده آغ گئییم سانکی کفندیر،
اونلار اؤلومه ده مغرور گئدندیر.
نئجه گؤزلنمزدیر فلاکت آنی،
اینسان یئردن، گؤیدن آمان ایسته‌ییر.
صحرا اژداها تک آچیب آغزینی،
گئجه ائله بیل کی، قوربان ایسته‌ییر.
کیمسه اینانیردی هله سحره...
بلی، سحر گلدی، آل سحر کیمی،
قوندو تپه اۆسته بیر آلاچؤهره،
دوه‌لر قوم آلتدا تپه‌لر کیمی
قوملار آغ‌آپپاقدیر، کؤلگه‌لر قارا.
دۆنیانی قوینونا لال سۆکوت آلیب.
هارداسا، اوزاقدا جود تیکانلارا،
ساربانین پاپاغی ایلیشیب قالیب.
زوّارلار قوم اۆسته سپه‌لنمیشدی،
بیاض کفنلره قان چیلنمیشدی.
بوردا حیات ایله، اؤلوم اۆزلشیب،
آخیب گؤز یاشی تک شئه کایناتدان.
منه ائله گلیر اوزاق یول کئچیب،
تپه‌لر آلتیندا بابامدیر یاتان.
قضا نیه قؽلینج چالیب کی، یارب،
اونلار آختاریرکن ابدیتی؟
مکّه‌یه بئش آددیم قالیب کی، یارب،
قبول ائت، یاریمچیق بو زیارتی،
24 سئنتیابر ۱۹۸۹
کاروان گئدیر گؤرن، هایانا ساری؟
نه قورخونج اولورموش صحرا ظۆلمتی،
سوووروب هایقیریر قوم توفانلاری،
یول هانی؟
قوم سئلی
شۆتویور یئرله،
یوخ اوزاق ائولرین اود ایشارتی‌سی،
دوه‌لر یئری‌ییر آغیر لپیرله،
دوه کؤوشگینده قوم خؽرچیلتی‌سی.
جاناوار گؤزلری یاندی، کؤزردی،
نئجه اؤلوم گلیر قاراباقارا،
هله زؽنقیروولار سیرلی سیپردی،
سۆرونن او حریص پاریلتی‌لارا.
ساربان سؤیکنرک اؤز چوماغینا،
دۆشوب یورغون-یورغون یولون آغینا.
صحرانین کۆلگی دؤنوب قؽلینجا،
بۆرویور کوللاری قوملار تپه‌سی.
زوّارلار تلسیر کاروان دالینجا،
فقط کسیلمه‌ییر اولاشما سسی.
اینینده آغ گئییم سانکی کفندیر،
اونلار اؤلومه ده مغرور گئدندیر.
نئجه گؤزلنمزدیر فلاکت آنی،
اینسان یئردن، گؤیدن آمان ایسته‌ییر.
صحرا اژداها تک آچیب آغزینی،
گئجه ائله بیل کی، قوربان ایسته‌ییر.
کیمسه اینانیردی هله سحره...
بلی، سحر گلدی، آل سحر کیمی،
قوندو تپه اۆسته بیر آلاچؤهره،
دوه‌لر قوم آلتدا تپه‌لر کیمی
قوملار آغ‌آپپاقدیر، کؤلگه‌لر قارا.
دۆنیانی قوینونا لال سۆکوت آلیب.
هارداسا، اوزاقدا جود تیکانلارا،
ساربانین پاپاغی ایلیشیب قالیب.
زوّارلار قوم اۆسته سپه‌لنمیشدی،
بیاض کفنلره قان چیلنمیشدی.
بوردا حیات ایله، اؤلوم اۆزلشیب،
آخیب گؤز یاشی تک شئه کایناتدان.
منه ائله گلیر اوزاق یول کئچیب،
تپه‌لر آلتیندا بابامدیر یاتان.
قضا نیه قؽلینج چالیب کی، یارب،
اونلار آختاریرکن ابدیتی؟
مکّه‌یه بئش آددیم قالیب کی، یارب،
قبول ائت، یاریمچیق بو زیارتی،
24 سئنتیابر ۱۹۸۹