مئیدان

چیچکلر شاختاسیز
   ائله سولوب کی،
قؽشین دهشتینی تورپاق دا دویور.
..مئیدان سولایانلار پئیدا اولوب کی،
بو گۆن یئره، گؤیه مئیدان اوخویور.

هاردادیر جیدیردا
   ظفر چالانلار،
"تویوتا"، "مرسدس" سئویلیر بوردا.
آت چاپیب مئیداندا نمر آلانلار،
قاراباغ آتینی هئچ تانیمیر دا.

حقیقت، عدالت
   عزیزدیر، عزیز،
گاه ایستی، گاه سویوق کۆلکلر اسیر.
"آزادلیق" مئیدانی آزاد، کیمسه‌سیز،
"غلبه" مئیدانی غلبه گزیر.

وارلی هئچ کیمسه‌نی
   سالماییر سایا،
او، اؤز دؤولتیله فئقان ائیله‌ییر.
مدّاح دا یابینی چکیب اورتایا:
— من ده بو مئیداندا وارام، - سؤیله‌ییر.

یئللر حارام پولو
   گؤیه سووورسون،
مئیدان اوخویانین بورنو اووولار.
مدّاحی یابی‌سی قوی اؤزو وورسون،
مئیدان سولایانی باتیرسین سولار!

23-24 دئکابر ۲۰۰۰