منو
دینله طبیعتی
آخشامدیر...
دره‌دن سۆرونور بولود...
سوسان گؤی مئشه‌لر،
شیش قایالاردیر.
گؤر، نه‌لر دانیشیر او غریب سۆکوت،
بلی، سۆکوتون دا اؤز دیلی واردیر.
دینله، مئشه‌ده‌کی بولاق نه دئییر،
باخما کی، سۆزولور او گیله-گیله.
هر سؤزو بیر بؤیوک قرینه دئییر،
عصرلر دانیشیر اونون دیلیله.
اسن مئه نه دئییر؟
بلکه دئییر کی،
سرین یایلاقلارین نفسی‌یم من.
بۆللور شئه نه دئییر؟
بلکه دئییر کی،
پارلاق اولدوزلارین دانه‌سی‌یم من.
داغلارا سس دۆشسون، چؤللره صدا،
گورلایان سئللرین.
دینله سسینی.
چایلاردان ایچدیگین بیر اوووج سو دا
سنه پؽچیلداسین تاریخجه‌سینی.
چایلار گؤی دنیزی قوی قوجاقلاسین،
بو دۆنیا دوردوقجا
قالاسیدیر او.
کۆکره‌سین شلاله، جوشسون، چاغلاسین!
داغلارین ارکؤیون بالاسیدیر او.
گلسین قولاغینا قوواغین سسی،
اونلار کی، معنالی بیر نغمه‌کاردیر.
هر سؽنان بوداغین اؤز آه-ناله‌سی،
هر سولان یارپاغین اؤز دردی واردیر.
مست اولسان مئشه‌نین شیرین سؤزویله
کؤنلوندن نه بؤیوک سئوینجلر آخار.
بلکه بیر مارالین آلا گؤزویله،
سنه بۆتون گؤزل طبیعت باخار.
یاتسان گؤی چمنده،
گؤی اوتلار اۆستده،
آلاجاق دؤوره‌یه لاله‌لر سنی.
دینمزسن، باخارسان قولاغی سسده،
طبیعت، گؤزللیک لال ائیلر سنی.
او گؤل ساحیلینه گلن قؽزا باخ،
سانکی بوداقلار دا اونا ال ائدیر.
نه قدر گؤزلسه بو مئشه، بو داغ،
اینسانسیز طبیعت یئتیم کیمیدیر.
۱۹۵۶
دره‌دن سۆرونور بولود...
سوسان گؤی مئشه‌لر،
شیش قایالاردیر.
گؤر، نه‌لر دانیشیر او غریب سۆکوت،
بلی، سۆکوتون دا اؤز دیلی واردیر.
دینله، مئشه‌ده‌کی بولاق نه دئییر،
باخما کی، سۆزولور او گیله-گیله.
هر سؤزو بیر بؤیوک قرینه دئییر،
عصرلر دانیشیر اونون دیلیله.
اسن مئه نه دئییر؟
بلکه دئییر کی،
سرین یایلاقلارین نفسی‌یم من.
بۆللور شئه نه دئییر؟
بلکه دئییر کی،
پارلاق اولدوزلارین دانه‌سی‌یم من.
داغلارا سس دۆشسون، چؤللره صدا،
گورلایان سئللرین.
دینله سسینی.
چایلاردان ایچدیگین بیر اوووج سو دا
سنه پؽچیلداسین تاریخجه‌سینی.
چایلار گؤی دنیزی قوی قوجاقلاسین،
بو دۆنیا دوردوقجا
قالاسیدیر او.
کۆکره‌سین شلاله، جوشسون، چاغلاسین!
داغلارین ارکؤیون بالاسیدیر او.
گلسین قولاغینا قوواغین سسی،
اونلار کی، معنالی بیر نغمه‌کاردیر.
هر سؽنان بوداغین اؤز آه-ناله‌سی،
هر سولان یارپاغین اؤز دردی واردیر.
مست اولسان مئشه‌نین شیرین سؤزویله
کؤنلوندن نه بؤیوک سئوینجلر آخار.
بلکه بیر مارالین آلا گؤزویله،
سنه بۆتون گؤزل طبیعت باخار.
یاتسان گؤی چمنده،
گؤی اوتلار اۆستده،
آلاجاق دؤوره‌یه لاله‌لر سنی.
دینمزسن، باخارسان قولاغی سسده،
طبیعت، گؤزللیک لال ائیلر سنی.
او گؤل ساحیلینه گلن قؽزا باخ،
سانکی بوداقلار دا اونا ال ائدیر.
نه قدر گؤزلسه بو مئشه، بو داغ،
اینسانسیز طبیعت یئتیم کیمیدیر.
۱۹۵۶