های وئرین، گؤزللر!

یئتیمدیر دۆنیادا
کیم قالسا یالقیز،
آیلارا چئوریلیر
گۆن آرام-آرام.
واخت واردی سیز منی
آختاراردینیز،
ایندی من آختاریب
سیزی تاپمیرام.

های وئرین گؤزللر، هارا گئتدینیز؟
ووروب اۆرگیمه یارا، گئتدینیز!

سۆکوتو نغمه تک
دوروب دینلرم،
حسرتم خوش صؤحبت،
خوش قؽلیق اۆچون.
بیر زامان گؤروشه
تلسنلریم،
نیه تلسدینیز
آیریلیق اۆچون؟

ایللر ساچلاریما
یاغدی قار کیمی،
یوخسا چیچکلر تک
سیز ده سولدونوز؟
بلکه ده کؤچری
دورنالار کیمی،
آیری اۆرکلره
اوچوب قوندونوز؟

یوخ، یوخ، اینجیمیرم
بو گۆن هئچ کیمدن،
منه بخش ائتدینیز

گؤیو، یئری سیز!
شیکایت ائتمیرم
اؤز طالعیمدن،
سیزسینیز طالعین
اصیل نورو، سیز!

هایانا گئتسنیز پارلایین، یانین،
بؤیوک تاریخی وار اؤتن هر آنین!

16-17 دئکابر ۱۹۹۹