گؤی شاملاردان یوندوغوم
بیر سحیرلی گمیم وار،
بیر بالاجا گمیده
بیر دۆنیالیق غمیم وار!
سئودیگیم گؤزللریم
گمیده منیملهدیر.
کۆلک دؤیور حیدّتله
یئلکنلری اینلدیر.
گۆنش اۆزلو گؤزللر
سولوخوب منیم کیمی،
آخی ایللردیر گلن
دهشتلی قنیم کیمی.
اونلار بیرگه، تکم من،
ایللرین عذابینی
وئر طبیعت، چکیم من!
سویوق باخما، گؤزله،
قباحتدیر، طبیعت!
قصد ائلهمه، گؤزله،
جینایتدیر، طبیعت!
کیم جزا چکمهلیدیر
بشر مجللهسیله،
گؤیون شیمشکلریله،
یئرین زلزلهسیله؟
گؤزلردن نورو آلیب،
اۆزلره قؽریش سالیب،
قار سپمک پاک ساچلارا،
بو اوغرو تک قصد دئییل
قؽزیل-گۆموش تاجلارا؟
دور اییلیر،
توفانی
یاراراق گمی گئدیر،
ائله بیل کایناتین
سیرلی عالمی گئدیر
من بیلمیرم، بیلمیرم،
هایانا گئدیر بئله،
عؤمرون خیال گمیسی،
خیال گؤزللریله؟
آغریلار آغریلاردان
آغیرسا دا، دؤزورم،
نوحون گمیسی کیمی
آغری داغی گزیرم!
21 مارت ۲۰۰۰