عشقین اؤزوندهدیر
غریبه سیرلر،
مگر شیرین سؤزدن
کۆسرمی اینسان؟
آرتار کۆسهینین
پایی، — دئییرلر.
سنه سئوگیم آرتیر
سن کۆسن زامان!
بعضاً یول آچیرسان
کیمسهسیزلیگه،
قالیرام دریادا
تک آدا کیمی.
"خودافیظ" — دئییرم،
بیلمیرم نیه،
سنینچین سسلنیر
"الوداع" — کیمی؟
سنه تاپیلارمی
تای کۆسهینیم؟
قوللوق ائدنیم یوخ،
ایش گؤرنیم یوخ.
آخی سن کۆسنده
آی کۆسهینیم،
منیم کۆسو آشی
بیشیرنیم یوخ!
عینی اۆرک وورور
ایکی سینهده،
منیم بیر سئویملی
کۆسهینیم وار.
سحر آیریلیریق
آخشام یئنه ده
کۆسهین آدیندا
گؤزلهینیم وار!
11 مای ۱۹۹۹