منو
اولو تانریم، شۆکور سنه!
آددیم‌باشی تیکانلاری بیتیردین کی،
زر ساچاقلی تر گۆللره سجده قؽلاق؟
جاهیللری سن دۆنیایا گتیردین کی،
آز تاپیلان عاقیللره سجده قؽلاق؟
اولو تانریم، شۆکور سنه!
اۆرکلره قؽزیل کؤرپو سن آتدین کی،
او کؤرپودن قهرمانلیق کئچسین گرک!
نامردلری بو قدر چوخ یاراتدین کی،
مردلر آزسا، قدرینی بیز یاخشی بیلک؟
اولو تانریم، شۆکور سنه!
سن ازلدن کؤنوللره نور قاتدین کی،
تورپاقلارا قارا چؤکسه ظۆلمت دئیک؟
کۆت بالتالی جلّادلاری چوخالتدین کی،
پامبیقلا باش کسنلره رحمت دئیک؟
اولو تانریم، شۆکور سنه!
اوجالاردان سن اوجا بیر خبردین کی،
دئدین: اینام حالالجا دوز-چؤرکده‌دیر.
بیزه غئیرت دلّاللاری گؤستردین کی،
بیلک غئیرت دیلده دئییل، اۆرکده‌دیر؟
اولو تانریم، شۆکور سنه!
سن گؤیلری خؽنجیم-خؽنجیم سؽندیردین کی،
باشیمیزا اود یاغسا دا آددیملایاق؟
اۆمیدسیزلیک گۆنشینی یاندیردین کی،
اۆمید شمعی پارلایاندا گۆنش سایاق؟
اولو تانریم، شۆکور سنه!
شۆکور سنه،
دؤنه-دؤنه!
۳ مارت ۱۹۹۶
زر ساچاقلی تر گۆللره سجده قؽلاق؟
جاهیللری سن دۆنیایا گتیردین کی،
آز تاپیلان عاقیللره سجده قؽلاق؟
اولو تانریم، شۆکور سنه!
اۆرکلره قؽزیل کؤرپو سن آتدین کی،
او کؤرپودن قهرمانلیق کئچسین گرک!
نامردلری بو قدر چوخ یاراتدین کی،
مردلر آزسا، قدرینی بیز یاخشی بیلک؟
اولو تانریم، شۆکور سنه!
سن ازلدن کؤنوللره نور قاتدین کی،
تورپاقلارا قارا چؤکسه ظۆلمت دئیک؟
کۆت بالتالی جلّادلاری چوخالتدین کی،
پامبیقلا باش کسنلره رحمت دئیک؟
اولو تانریم، شۆکور سنه!
اوجالاردان سن اوجا بیر خبردین کی،
دئدین: اینام حالالجا دوز-چؤرکده‌دیر.
بیزه غئیرت دلّاللاری گؤستردین کی،
بیلک غئیرت دیلده دئییل، اۆرکده‌دیر؟
اولو تانریم، شۆکور سنه!
سن گؤیلری خؽنجیم-خؽنجیم سؽندیردین کی،
باشیمیزا اود یاغسا دا آددیملایاق؟
اۆمیدسیزلیک گۆنشینی یاندیردین کی،
اۆمید شمعی پارلایاندا گۆنش سایاق؟
اولو تانریم، شۆکور سنه!
شۆکور سنه،
دؤنه-دؤنه!
۳ مارت ۱۹۹۶