منو
ظریفلیک
لاله‌لر پارلایان
چمنده، دۆزده،
سانکی بۆللور آخان سودور ظریفلیک.
هر گۆن کوبودلاشان زمانه‌میزده،
ائله بیل الهی نوردور ظریفلیک.
آچیلیر اۆرکدن
اۆرگه ایزلر،
گؤیدن گۆنش چؽخیر، عۆمّاندانسا دۆرّ.
ظریفلیک سۆکوتلا دانیشان گؤزلر،
بیر ده او گؤزلرین تبسّومودور.
سن گل مهریبانلیق
اؤنونده اَییل،
کیمه قیسمت اولسا، سعادتدیر او.
ظریفلیک دۆنیادا ضعیفلیک دئییل،
بلکه ده ان اولو بیر قۆدرتدیر او.
کوبودلار یانیندان
توفان کیمی کئچ،
ظریف اینسان گؤردون باشینا آند ایچ!
آخی حیات سنه
دئمیر، سئو کیمی،
وئریر تزه-تزه نسیل محبّت.
قؽشقیران سئوگیلر مگر سئوگیمی؟
سسسیز باخیشلاردیر اصیل محبّت.
محبّت — بشرین،
زرّین تاجیدیر،
ظریفلیک، نجیبلیک قوشا باجیدیر.
جاواندیر، نه قدر
قوجالسا دۆنیا،
سعادت — ازلی، ابدی اولسون.
ظریفلیک اۆستونده اوجالسا دۆنیا،
قوی دۆنیا نجیبلیک معبدی اولسون!
۴ مای ۱۹۹۷
چمنده، دۆزده،
سانکی بۆللور آخان سودور ظریفلیک.
هر گۆن کوبودلاشان زمانه‌میزده،
ائله بیل الهی نوردور ظریفلیک.
آچیلیر اۆرکدن
اۆرگه ایزلر،
گؤیدن گۆنش چؽخیر، عۆمّاندانسا دۆرّ.
ظریفلیک سۆکوتلا دانیشان گؤزلر،
بیر ده او گؤزلرین تبسّومودور.
سن گل مهریبانلیق
اؤنونده اَییل،
کیمه قیسمت اولسا، سعادتدیر او.
ظریفلیک دۆنیادا ضعیفلیک دئییل،
بلکه ده ان اولو بیر قۆدرتدیر او.
کوبودلار یانیندان
توفان کیمی کئچ،
ظریف اینسان گؤردون باشینا آند ایچ!
آخی حیات سنه
دئمیر، سئو کیمی،
وئریر تزه-تزه نسیل محبّت.
قؽشقیران سئوگیلر مگر سئوگیمی؟
سسسیز باخیشلاردیر اصیل محبّت.
محبّت — بشرین،
زرّین تاجیدیر،
ظریفلیک، نجیبلیک قوشا باجیدیر.
جاواندیر، نه قدر
قوجالسا دۆنیا،
سعادت — ازلی، ابدی اولسون.
ظریفلیک اۆستونده اوجالسا دۆنیا،
قوی دۆنیا نجیبلیک معبدی اولسون!
۴ مای ۱۹۹۷