یئر گؤیه،
گؤی ایسه یئره بویلانیر
نه وورچاتداسیندیر باغدا، باغچادا.
سانکی اؤلکه بؤیوک رقص مئیدانیدیر،
اوشاق دا اویناییر، گنج ده، قوجا دا.
کیمسه دئییر خؽسین-خؽسین:
آجلیق اولسون، کئیف اولسون!
والله، چالچاغیردان
قولاق کار اولور.
من حئیران قالمیشام تامام بو سیرّه.
قافیهپردازلار بستهکار اولور،
حتی بستهکار دا دؤنور شاعیره.
بو گۆن دیل-دیل اؤتور
داغدا، آراندا
اوخوماق باجاران، باجارمایان دا.
اوخوسون مادام کی، چوخ هوسی وار.
نولار سسی یوخدور،
پول کیسهسی وار.
اؤزونه آد وئریر بیری مادوننا،
باشقا بیریسی ده پریمادوننا!
کیمهسه یول آچیب قایغیکئش اؤلکه،
صاباح ماهنی شاهی سؤیلهدی بلکه.
کیمسه - گلسن منه نئیلرسن — دئییر،
کیمسه سئودیگینه اؤلوم دیلهییر.
قالخسا مزاریندان اۆزئییر، قارا،
نه دئیر بایاغی چالچاغیرلارا.
گۆنون صداسینی ائشیتسه اگر،
بۆلبول ده، فیکرت ده والله، تر تؤکر.
گلیب کئچیر ایللر آغیر قاتارلا،
ائل بیلمیر نه اۆچون ال چالیر هر گۆن.
دوللارلا صنعتده اوجالانلارلا
صنعتین حؤرمتی آلچالیر هر گۆن.
قؤور ائدیر یارالار
قان سؽزا-سؽزا،
کیم بو دبدبهدن تمنّالیدیر؟
بو شیتلیک نهدندیر شادلیغیمیزا —
مملکت ائله بیل کونسرت زالیدیر.
کیمسه دئییر خؽسین-خؽسین:
آجلیق اولسون کئیف اولسون!
بلکه اؤتهجکدیر
بو عادی مئییل
یوخسا زنجیر کیمی سرت حلقهلردیر؟
بلکه ده نغمهلر نغمهلر دئییل،
زلزله گۆنونده قهقههلردیر؟
فقط سجده ائدک شؤوکت آدینا،
قوی زینب صنعتین چاتسین دادینا!
لۆت-عۆریان صحنهیه چؽخماق نه لازیم،
شوخ گئییم یاراشیر اصیل قادینا!
صنعت یوخوداسا،
آییلتمالیییق،
بیز اؤز کؤکوموزه قاییتمالیییق!
کیم کی، بو دردلره انجام چکهجک،
خالق اونا قؽزیلدان هئیکل تؤکهجک!
1-3 دئکابر ۲۰۰۰