سنی گؤره‌جگم هاچان قاراباغ؟

دوغما قاراباغیم،
سؤیله هارداسان،
سانکی عصرلرین
آرخاسینداسان؟

بؤیوک بیر بلادیر
تورپاق دردیمیز،
بیر یابی بئلینده
مندن قاچیرسان!
سنه یاخینلاشماق
ایسته‌دیکجه بیز،
ائله بیل سن بیزدن
اوزاقلاشیرسان.

قاراباغ، سؤز وار کی،
درک ائتمیرم من!
آخی نه صؤحبتدیر،
گۆذشت صؤحبتی؟
هانسی معیار ایله
اؤلچولر گؤرن
خالقین ایلک طالعی،
سون عاقیبتی؟

سنی گؤره‌جگم
هاچان قاراباغ؟
یوردون حسرتلیدیر
اوغولو، قؽزی!
تورپاغی گۆذشته
بیز راضیلاشساق،
اوّل گۆذشت ائدک
ویجدانیمیزی!

من بو ایزدیواجا
نئجه اینانیم؟
سن ای قاراباغیم
دینیم-ایمانیم!

16 سئنتیابر ۲۰۰۰