یا ولوهلهدن، یا زلزلهدن
تکجه اۆمیدیمیز
اللها قالیر،
اودلار مملکتیم اودسوزدور نهدن؟
گۆناهکار بیر دۆنیا داغیلمالیدیر،
یا ولوهلهدن، یا زلزلهدن!
شلالهمی دؤنوب
گؤز یاشلارینا.
گؤز یاشلاری آخیر گور شلالهدن.
کور اولار خور باخان ائل قوبارینا
یا ولوهلهدن، یا زلزلهدن!
بصارت باغلاندی،
آجلیق یول آچار،
خالق برکت اومار بیرجه تیکهدن.
سما یئره ائنر، یئر گؤیه اوچار
یا ولوهلهدن، یا زلزلهدن!
چمنین
لالهلر آچان واختی وار،
دریالار یارانار کیچیک قطرهدن!
اوجا بندلرین ده اوچان واختی وار،
یا ولوهلهدن، یا زلزلهدن!
25 نویابر ۲۰۰۰