اونوتما

دویغو دا داشلاشار
       اۆرک داش اولسا،
سودا ائرکن باتان غوّاصا دؤنر.
پاخیللیق آنی بیر غلبه چالسا،
جزاسی بیر سونسوز قیصاصا دؤنر.

ویجدان حاکیم اولار،
       سنسه گۆناهکار،
او واخت آند-آمانین نه کۆمکی وار؟

قالین جنگللیکده اگر کی، آزسان
باری سن اؤزونه تانیش ایز آرا!
اگر باشقاسینا سن قویو قازسان
اؤزون دۆشه‌جکسن گئج یا تئز اورا!

البته دۆنیادا
       بو جزا حاقدیر،
کیم سنی قویودان چؽخاراجاقدیر؟

بوزلار دا اریییب آخار، اونوتما،
تانری شیمشکلری چاخار، اونوتما!
نامردی یاندیریب یاخار، اونوتما،
ائتدیگین قارشینا چؽخار، اونوتما!

دئیرسن: گؤردوگوم
       نه آی‌میش، ایل‌میش؟
طالعدن قاچماقسا
       مۆمکون دئییلمیش!

27 نویابر ۲۰۰۰