منو
محبسده یازیلان کیتاب
اینسانا دوغولان گۆن
اؤلوم حؤکمو کسیلیر.
ن.خزری
آچیرام سحری سؤنن بیر شاملا،
سحیرلی حب کیمی غم اودورام من.
الله-ا ایناملا، حاقا ایناملا،
ظۆلمت محبسیمی اونودورام من.
سۆکوتو اؤزونه کؤنلوم دوست ساییر،
قیطعه‌دن قیطعه‌یه قلباً کؤچورم.
نه‌سه یئر سؤیله‌ییر، گؤی پؽچیلداییر،
اونلاری کاغیذا منم کؤچورن.
جان‌سیخان محبسین پنجره‌سیندن،
بیر اولدوز دانیشیر، منیمله اولدوز،
روحوما نور آخیر آغ شؤعله‌سیندن،
دئییرم قلبیمی سن دینله، اولدوز!
عؤمور تک بئله‌جه اریییر گئجه،
عؤمرون ده سونونا ایلک جاوابام من.
اؤز اعدام گۆنومو من گؤزله‌دیکجه،
محبسده یازیلان بیر کیتابام من.
31 دئکابر ۱۹۹۲