حاجی زینالعابدین چیلچیراغی
(کربلادا)
هر چؽراق بنزهییر ماوی بیر آیا،
آیین دا گؤی رنگلی خاللاری واردیر.
سانکی آویزهلر سپدیکجه ضیا،
زنجیر چیچگینین سالخیملاریدیر.
تاوانی حئیرتله سئیر ائتدیکجه بیز،
سسلنیر دوستلارین سؤزو مهریبان.
— اونلاری گؤندریب سیزین یئرلینیز،
حاجی زینالعابدین — خئیرخواه اینسان.
نئجه دوغمالاشدی اونون ضیاسی،
قوی اۆرک سؤیلهسین اؤز غۆرورونو.
خالقییچین او یانان میلّت آتاسی،
مۆقدّس یئره ده سپیب نورونو.
ایسیندی کؤنلوموز قاناد آچاراق،
رحمتلیک بابامیز، بو نجیب ایشدیر،
هاردا دۆزلسه ده نادیر چیل-چیراق،
آتشی باکیدان گتیریلمیشدیر.
اوجالسین، اوجالدان دوغما دیاری،
ائل اونو عشقییله گرک بسلییه.
اودلار اؤلکهسینین حاق آلوولاری
قوووشوب بو یئرده مۆقدّسلیگه.
20 دئکابر ۱۹۹۲