هر گۆن کۆچهنیزدن کئچدیگیم زامان،
ائیوانا چؽخدیغین یادینا دۆشسون.
باهار آخشاملاری تر بنؤوشهنی،
کؤکسونه تاخدیغین یادینا دۆشسون.
اۆرگیم گلمیر کی، قؽناییم سنی،
بئله تئز اونوتماز سئون سئونی.
آخشام بولاق اۆستده گؤزلهییب منی،
یوللارا باخدیغین یادینا دۆشسون.
سرین مئشه یولو نورا بویاندی،
سن گئتدین، اۆرگیم آتشه یاندی.
کسدیگین پئیمانی، وئردیگین آندی
داشلارا چاخدیغین یادینا دۆشسون.
۱۹۵۳