نولدو، احتیاطسیز یئنه دولاندین،
بولاقدا کوزهنی سؽندیردین دۆنن.
سونرا باخیب اونا حاییفسیلاندین،
بیر آغری حیسّ ائتدیم اۆرگیمده من.
سنین یادیندامی، من کی، بیر زامان،
وئرمیشدیم سئوگیمی سنه ارماغان.
اوندا دئ، ای گؤزل، بو کوزه کیمی،
سؽندیردین عشقینله ووران قلبیمی.
نهدیر معنا دولو بو اسرار گؤرن؟
جانسیز بیر کوزهیه آجییان اینسان،
آزاجیق بیر آغری دویماییر نهدن،
سئون بیر اۆرگی سؽندیران زامان؟!
۱۹۴۴