باهار یوخوسوندان اویادیر یئری،
آرتیق کؤنول سؽخمیر چنده، دوماندا،
دورنالار قاییداندا.
نه قدر آرزولار قاییدیر گئری،
دورنالار قاییداندا.
باهار یئر اۆزونون سئوینج آییدیر،
بولاقلار قایناییر ائله بیل قاندا،
دورنالار قاییداندا.
چیچکلر قاییدیر، گۆللر قاییدیر،
دورنالار قاییداندا.
آچیر گؤزلرینی داغین لالهسی،
نرگیز ده اۆزونه گۆلور آراندا،
دورنالار قاییداندا.
قاییدیر چایلارین شاقراق نغمهسی،
دورنالار قاییداندا.
بو گۆن بیر جانلییام، صاباح تورپاغام،
گؤر نهلر دۆشونور اینسان جاهاندا،
دورنالار قاییداندا.
ائله بیل دۆنیایا قاییداجاغام،
دورنالار قاییداندا.
هر باهار قاییداندا!
۱۹۶۲