دهشت نه‌دیر؟

ایریشمک حؤرمت دئییل،
   صمیمی سؤز حؤرمتدیر.
دیل دئین دهشت دئییل،
   اۆرک دئین دهشتدیر،
آه چکمک حسرت دئییل،
   درده دؤزمک حسرتدیر.
باغیرماق جۆرأت دئییل،
   سوسان مردلیک، جۆرأتدیر.
های-هارای نیفرت دئییل،
   قیصاص آلماق نیفرتدیر.
سؤز هله غئیرت دئییل،
   خئیرخواه ایش غئیرتدیر.
باغیرماق شؤهرت دئییل،
   سسسیز گلن شؤهرتدیر.
یؽغدیغین ثروت دئییل،
   پایلادیغین ثروتدیر.
وصف ائتمک حئیرت دئییل،
   سجده ائتمک حئیرتدیر.
...دیل دئین دهشت دئییل،
   اۆرک دئین دهشتدیر.

8 یانوار ۱۹۹۳