نار آغاجی

یئنه قوملو ساحیل، یئنه سرین باغ،
یئنه آخشام دۆشوب مئینه‌لیکلره.
بوردا سئوگیلیمله نئچه ایل قاباق،
بیر نار چوبوغونو باسدیردیق یئره.
   نار آغاجی، نار چیچگی،
   بیر اۆلدوزدو هر چیچگی.

سئیر ائتدیم آغاجین دوغما یئرینی،
بیرجه چیچک قالیب، هانی چیچکلر؟
اونون قؽزیل رنگلی لچکلرینی،
یا ایللر تؤکموشدور، یا دا کۆلکلر.
   نار آغاجی، نار چیچگی،
   دؤیوب توفان، قار چیچگی.

باخیرام، قلبیمده آرزو اویانیر،
اوزاق خیاللاریم آلیر قلبیمی.
سانکی آی نوروندا اولدوزدور یانیر،
او سون نار چیچگی ایلک عشقیم کیمی،
   نار آغاجی، نار چیچگی،
   هله یئنه وار چیچگی.

۱۹۵۹