منو
غریب آخشامین سۆکوتو
بو غریب آخشامین سۆکوتو آغیر،
اۆفوقدن گؤزومه بیر حسرت یاغیر.
گۆندوزون گؤزونده اؤلوم کؤلگه‌سی،
بیر سس‌سیز فریادلا گۆنش غۆروبدا.
اولدوزلار گئجه‌نین صادیق کؤله‌سی
آیلا نازلاناجاق بولود - قوروقدا...
دۆنیا اؤز ایشینده،
واخت آخاریندا،
ساعت عقربلری زامانی بیچیر.
حیات دا بئله‌دیر...
لاپ آخیریندا
اؤلوم عؤمروموزو سۆکوتلا ایچیر...
سئوینج ده خاطیره،
غم ده خاطیره،
آرزو - یاشاناجاق خاطیره‌لردیر.
عؤمور بیر قوماردیر،
بیر گۆن گتیرر.
بیر گۆن ده جیبینه دولدورار دردی.
هر دیکیلن گؤزدن بیر ائیهام باخیر،
بعضاً گؤز دئینی،
دیل دئیه بیلمیر.
بو گئجه کور کیمی هئی ال-قول آتیر،
یولونو ایتیریب،
یئری‌یه بیلمیر.
دۆنیانین ایچینده بوغولوب سسی،
ایشیغی سوزالمیش چؽراق کیمیدی.
بو آخشام غملیدیر آیین ناله‌سی،
دستگی قؽریلمیش اوراق کیمیدی.
یومسام گؤزلریمی بو غریبلیگه،
کیرپیگیم زمی‌تک بیچیله‌جکدیر.
بیر اۆمید ایشیغی آزالیب دئیه
دۆنیا گؤزلریمده کیچیله‌جکدیر.
قارا آداملارلا دولودور کۆچه،
کؤلگه‌لر اۆستومه یئری‌ییر سانکی.
کۆچه‌لر - تورپاغا اوزانمیش گئجه،
اؤزونو ظۆلمته سۆرویور سانکی.
بو آغیر سۆکوتون گؤزلرینده نم؛
فریادیم بولودا چاتاجاق منیم.
الیمی اوزاتسام،
ائله بیلیرم
اولدوزلار الیمه باتاجاق منیم.
باری گؤی گورلایا،
بیر شیمشک چاخا،
سۆکوتو داغیلا بو بوش دۆنیانین،
سۆروشوب اللریم الیندن چؽخا،
اللری بوش قالا سرخوش دۆنیانین،
بۆدره‌ییب دره‌یه دۆشه قارانلیق،
گۆنش بوی گؤستره چیینیمین اۆستدن
بیر شیمشک پارلایا گؤیده بیر آنلیق،
آخشامین قولاغی توتولا سسدن...
بولود خورجونونو سالیب چیینیمه
گؤیدن اولدوزلاری قوپارام گرک.
قارا بیر تابوت‌تک آلیب چیینیمه
بو غریب گئجه‌نی آپارام گرک.
دفن ائدیم دره‌نین درین یئرینده،
ان اوجا قایانی باش‌داشی قویوم.
یاپیشیب گۆنشین گۆل اللریندن
کؤکسومو اۆرکله یاناشی قویوم...
بو غریب آخشامدا
قاپی دالیندا
دۆنیانین اؤزونده غریب کیمی‌ییک.
اۆمید واغزالی‌نین صبیر زالیندا
بیر اؤز دویغوموزا قبیر کیمی‌ییک.
بو غریب آخشامدا
ائله بیلیرم
چیچکلر قؤنچه‌ده سولاجاقدیلار.
قاتار گؤزله‌ینلر
مۆرگو ایچینده
بو گئجه واغزالدا قالاجاقدیلار.
بو غریب آخشامین سۆکوتو آغیر...
اۆفوقدن گؤزومه بیر حسرت یاغیر.
گۆندوزون گؤزونده اؤلوم کؤلگه‌سی،
بیر سس‌سیز فریادلا گۆنش غۆروبدا.
اولدوزلار گئجه‌نین صادیق کؤله‌سی
آیلا نازلاناجاق بولود - قوروقدا...
دۆنیا اؤز ایشینده،
واخت آخاریندا،
ساعت عقربلری زامانی بیچیر.
حیات دا بئله‌دیر...
لاپ آخیریندا
اؤلوم عؤمروموزو سۆکوتلا ایچیر...
سئوینج ده خاطیره،
غم ده خاطیره،
آرزو - یاشاناجاق خاطیره‌لردیر.
عؤمور بیر قوماردیر،
بیر گۆن گتیرر.
بیر گۆن ده جیبینه دولدورار دردی.
هر دیکیلن گؤزدن بیر ائیهام باخیر،
بعضاً گؤز دئینی،
دیل دئیه بیلمیر.
بو گئجه کور کیمی هئی ال-قول آتیر،
یولونو ایتیریب،
یئری‌یه بیلمیر.
دۆنیانین ایچینده بوغولوب سسی،
ایشیغی سوزالمیش چؽراق کیمیدی.
بو آخشام غملیدیر آیین ناله‌سی،
دستگی قؽریلمیش اوراق کیمیدی.
یومسام گؤزلریمی بو غریبلیگه،
کیرپیگیم زمی‌تک بیچیله‌جکدیر.
بیر اۆمید ایشیغی آزالیب دئیه
دۆنیا گؤزلریمده کیچیله‌جکدیر.
قارا آداملارلا دولودور کۆچه،
کؤلگه‌لر اۆستومه یئری‌ییر سانکی.
کۆچه‌لر - تورپاغا اوزانمیش گئجه،
اؤزونو ظۆلمته سۆرویور سانکی.
بو آغیر سۆکوتون گؤزلرینده نم؛
فریادیم بولودا چاتاجاق منیم.
الیمی اوزاتسام،
ائله بیلیرم
اولدوزلار الیمه باتاجاق منیم.
باری گؤی گورلایا،
بیر شیمشک چاخا،
سۆکوتو داغیلا بو بوش دۆنیانین،
سۆروشوب اللریم الیندن چؽخا،
اللری بوش قالا سرخوش دۆنیانین،
بۆدره‌ییب دره‌یه دۆشه قارانلیق،
گۆنش بوی گؤستره چیینیمین اۆستدن
بیر شیمشک پارلایا گؤیده بیر آنلیق،
آخشامین قولاغی توتولا سسدن...
بولود خورجونونو سالیب چیینیمه
گؤیدن اولدوزلاری قوپارام گرک.
قارا بیر تابوت‌تک آلیب چیینیمه
بو غریب گئجه‌نی آپارام گرک.
دفن ائدیم دره‌نین درین یئرینده،
ان اوجا قایانی باش‌داشی قویوم.
یاپیشیب گۆنشین گۆل اللریندن
کؤکسومو اۆرکله یاناشی قویوم...
بو غریب آخشامدا
قاپی دالیندا
دۆنیانین اؤزونده غریب کیمی‌ییک.
اۆمید واغزالی‌نین صبیر زالیندا
بیر اؤز دویغوموزا قبیر کیمی‌ییک.
بو غریب آخشامدا
ائله بیلیرم
چیچکلر قؤنچه‌ده سولاجاقدیلار.
قاتار گؤزله‌ینلر
مۆرگو ایچینده
بو گئجه واغزالدا قالاجاقدیلار.
بو غریب آخشامین سۆکوتو آغیر...