جؽدیر

برک قوووم آتلاری،
یورون آتلاری،
قامچی‌یا دولایین
یورغون آتلاری.
سۆرون دنیزلره
بوغون آتلاری -
آیغیر جاوانلارا
آت گرک دئییل.


اولسون نال ایزی،
شوملایین یام‌یاشیل
چمنی، دۆزو،
بیچین!
هئچ سؽخمایین اۆرگینیزی
جاوان آیغیرلارا
اوت گرک دئییل.

بویات بایاتیدان
سؤز قاینادان سیز،
اؤزگه ناخیرینا
سؤز هایلادان سیز،
حیات بیر شاه‌ماتدیر
آت اوینادان سیز،
ائله مات قالمیشیق
مات گرک دئییل!..