منو
آ داغلار، قالایین قاری سینه‌مه
آ داغلار، قالایین قاری سینه‌مه،
بیر نغمه باغلایین باری سینه‌مه،
گتیریب سؤیکه‌یین تاری سینه‌مه،
بیر دلی «هئیراتی» ایسته‌ییرم من.
چتین سرحدلردن یول آچماق اۆچون،
تبریز تویلاریندا قول آچماق اۆچون،
دۆنیانی نغمه‌یله دولاشماق اۆچون
بوزآتی، قؽرآتی ایسته‌ییرم من.
نه قدر محبّت بیتیریب عؤمور،
دۆنیادان نه گؤروب، گؤتوروب عؤمور،
آنا لایلاسینی ایتیریب عؤمور،
بیر کؤورک بایاتی ایسته‌ییرم من.
یاراتماق گنجلیگین بیر هوسی‌می،
بیر باخیش سئوگی‌نین بۆنؤوره‌سی‌می،
یؽغین ناغیللارین تر-تزه‌سینی،
قدیمدن بویاتی ایسته‌ییرم من.
الیم چاتمادیمی، دئمرم، اییل،
چاتار کۆمگیمه گؤر نئچه آی، ایل...
بیر قؽز گؤزلرینده بیر قؽزی دئییل
دۆنیانی، حیاتی ایسته‌ییرم من.
بیر نغمه باغلایین باری سینه‌مه،
گتیریب سؤیکه‌یین تاری سینه‌مه،
بیر دلی «هئیراتی» ایسته‌ییرم من.
چتین سرحدلردن یول آچماق اۆچون،
تبریز تویلاریندا قول آچماق اۆچون،
دۆنیانی نغمه‌یله دولاشماق اۆچون
بوزآتی، قؽرآتی ایسته‌ییرم من.
نه قدر محبّت بیتیریب عؤمور،
دۆنیادان نه گؤروب، گؤتوروب عؤمور،
آنا لایلاسینی ایتیریب عؤمور،
بیر کؤورک بایاتی ایسته‌ییرم من.
یاراتماق گنجلیگین بیر هوسی‌می،
بیر باخیش سئوگی‌نین بۆنؤوره‌سی‌می،
یؽغین ناغیللارین تر-تزه‌سینی،
قدیمدن بویاتی ایسته‌ییرم من.
الیم چاتمادیمی، دئمرم، اییل،
چاتار کۆمگیمه گؤر نئچه آی، ایل...
بیر قؽز گؤزلرینده بیر قؽزی دئییل
دۆنیانی، حیاتی ایسته‌ییرم من.