منو
...بیلسم یالان دئییرسن
(نغمه)
ایشیق دئسن یولونا
چؽلچیراقلار دۆزرم،
هیجران یۆکو چیینیمده
آغیر اولسا دؤزرم،
دۆشرم ناغیللارا،
ناغیللاری گزرم
ناغیل اولمادیغینی
بیلسم یالان دئییرسن.
داغلار سنه وورولسا
یانار، قاری ارییر،
داشا دئسن سنینم
آیاق آچار، یئری‌یر،
قلبیم شفقله دولار،
آغلار کؤنلوم کیری‌یر
سن خیال اولدوغونو
بیلسم یالان دئییرسن.
شکیل وئرسن اوخشارام،
سینه‌م اۆسته ساخلارام،
اۆمید وئرسن گؤزلرم،
اۆرگیمی سؽخمارام،
مئشه‌لره گئتمرم،
چمنلره باخمارام
سن چیچک اولدوغونو
بیلسم یالان دئییرسن.
دۆشونرم دۆنیایا
ایلک آچیلان سحرم،
اولدوزلاری ائندیریب
یوللارینا سپرم،
باشینا دولانارام،
اللریندن اؤپرم
منی سئومه‌دیگینی
بیلسم یالان دئییرسن.
ایشیق دئسن یولونا
چؽلچیراقلار دۆزرم،
هیجران یۆکو چیینیمده
آغیر اولسا دؤزرم،
دۆشرم ناغیللارا،
ناغیللاری گزرم
ناغیل اولمادیغینی
بیلسم یالان دئییرسن.
داغلار سنه وورولسا
یانار، قاری ارییر،
داشا دئسن سنینم
آیاق آچار، یئری‌یر،
قلبیم شفقله دولار،
آغلار کؤنلوم کیری‌یر
سن خیال اولدوغونو
بیلسم یالان دئییرسن.
شکیل وئرسن اوخشارام،
سینه‌م اۆسته ساخلارام،
اۆمید وئرسن گؤزلرم،
اۆرگیمی سؽخمارام،
مئشه‌لره گئتمرم،
چمنلره باخمارام
سن چیچک اولدوغونو
بیلسم یالان دئییرسن.
دۆشونرم دۆنیایا
ایلک آچیلان سحرم،
اولدوزلاری ائندیریب
یوللارینا سپرم،
باشینا دولانارام،
اللریندن اؤپرم
منی سئومه‌دیگینی
بیلسم یالان دئییرسن.