اللرین نه یامان سویوقدور، گۆلوم،
اللرین ائله بیل قار چیچییدیر.
آی آمان، الینده دوندو کی الیم،
اللرین الیمین بوز الجییدیر.
بیز کی جنوبلویوق،
بو سویوق هاردان؟
گرک کۆلوموز ده سویوق اولماسین.
گؤزوموز دۆنیادا ان قاینار بولاق،
گرک الیمیز ده سویوق اولماسین.
اوددان یوغرولموشوق، آتشیک آخی،
قلبیمیز دویغولار تونقالی کیمی.
یاناغین ائله بیل آلوو دیلمی،
ایللرین بیر تاختا یونقاری کیمی...
اللرین نه یامان سویوقدور، گۆلوم،
نیه بو سویوغو ایندی دویموشام؟
بیر عؤمرون محبّت طالعینی من
او سویوق اللره نئجه قؽیمیشام؟!
آی اۆزوباهارلی،
الی قؽش سونام،
گیلئییم گۆلمهلی گلمهسین منیم.
قورخورام
سئوگیده سویوماغین دا
الیندن باشلایا،
الیندن سنین؛
اللرین نه یامان سویوقدور، گۆلوم...