ذرّه-ذرّه اولور اول شعلۀ روخساره فدا.

کیمی جان ائتدی، کیمی کؤنلونو دیلداره فدا،
بیلمنم من کی، یوخومدور، نه ائدیم یاره فدا؟
آب یاقوت دئییل اشک روانیم، من اونو،
نه اوز ایلن ائدیم اول لعل گؤهرباره فدا.
بو سبب دن کی، سنین چشمووه بیر نسبتی وار،
ائیلرم نقد حیاتیم دل بیماره فدا.
هر گولون باشینا دؤنمک نه هوس دیر، بولبول!
عاشیق اولدور کی، اؤزون ائیله یه بیر یاره فدا.
ائیلر آزاده‌لرین آدینی عالمده بولند،
سرو ائدرسه اؤزون اول شیوۀ رفتاره فدا.
اونون اوچون سئویرم من دل صدپاره می کیم،
چشم بیماریوه هر گون اولا بیر پاره فدا.
دل پورخونیمی هردم باسارام باغریما کیم،
اولا بیر گون کی، اولا ساقی خونخواره فدا.
ییخماغا، یاپماغا لاییق دئییل، اول ویران کیم،
دم به دم گنج گؤهر ائتمه یه معماره فدا.
بیلمه کیم، گؤرورم تاب و طبعین خورشیدین،
ذرّه-ذرّه اولور اول شعلۀ روخساره فدا.
سؤز بیلن لر آراسیندا اَلَم اولماز، قؤوسی،
ائتمه ین خامه تک اؤز یاشینی گؤفتاره فدا.