بیر-بیری نین حالینی سورماق گرک دیوانه لر

ایسترم پیوسته، ای رعنا دولانیم باشینا،
قویگیلن الدن اینانیم، تا دولانیم باشینا.
ایسترم کیم، گاه قوربان، گاه بلاگردان اولام،
گاه، ای سرو سهی بالا، دولانیم باشینا.
هانی اول بخت رسا کیم، کاکیل موشکین کیمی،
یا اؤپوم هردم آیاغین، یا دولانیم باشینا.
دوتگیلان بیر یئرده سن، ای مرکز تمکین، قرار،
ها دؤنوم پرگار تک، من ها دولانیم باشینا.
چوخ یامان دیر اعتماد ائتمک بو گون دن دانلایا،
تا حیاتیم وار دوروم حالا دولانیم باشینا.
تا آیاقدان سالمامیش ساقی کیمی صهبا منی،
ساقی نین یادیله، ای مینا، دولانیم باشینا.
شمع تک گر تار و پودوم یاندیریرسان راضییام،
بیر زامان پروانه تک آمما دولانیم باشینا.
عؤمرلردیر ائتمیشم، من بیلمنم کیم، هاندایام،
هئچ منی گؤردونمو، ای عنقا، دولانیم باشینا.
بیر-بیری نین حالینی سورماق گرک دیوانه لر،
وئر خبر قؤوسی دن ای صحرا، دولانیم باشینا.