منو
صیاد کیمی آهوی رعنا طلبینده
دیلدن- دیله دوشدوم دیل دیوانه دن اؤترو،
ووردوم اؤزومو اودلارا پروانه دن اؤترو.
بی طاقت اولور عاشیق اوچون حوسن زبردست،
سئیلاب دوشر داغلارا ویرانه دن اؤترو.
بنزتمه منی بولبول بی درده کی، نئی تک،
دیلدن دوشرم نالۀ مستانه دن اؤترو.
بیر مَشت اونوم دان منیم افلاک نه ایستر،
دئرلر کی، دییرمان دولانیر دانه دن اؤترو.
صیاد کیمی آهوی رعنا طلبینده،
قؤوسی دولانیر معنی بیگانه دن اؤترو.