همین بولبول گؤرر بولبول یانیندا، زاغ-زاغ اوسته

بحمدوللاه یاتیب دیر سینه م اوسته داغ-داغ اوسته،
بلی، مشهور سؤزدور اول مثل کیم، یاغ-یاغ اوسته.
قارا دیر روزیگاری هر کیمین کیم، کؤنلو روشن دیر،
بیلیر هر طفل مکتب کیم، یازیلماز آغ-آغ اوسته.
قیامت هم اولورسا دورمانام اول سرو آیاغیندان،
سانا ارزانی بولبول گول-گول اوسته، باغ-باغ اوسته.
آیاقدان سالماییب مینای گردون مهلتین وئرسه،
یوز ایل ال باغلارام قوللوقدا ساقی، بیر آیاغ اوسته.
نه تأثیر ائیله سین، یارب نه وجهیله گؤرونسون کیم،
فلکده اولدوزوم بیر لاله دیر بیر قارلی داغ اوسته.
دئمه کیم، بیلمنم عشقیمده درد و داغ قدرین کیم،
کؤنول تیترر گؤزوم، پروانه‌لر تک بو چیراغ اوسته.
نه گولشن دیر بو بیر گولشن کی، تا ایشلر گؤزوم قؤوسی،
همین بولبول گؤرر بولبول یانیندا، زاغ-زاغ اوسته.