نولا فغانیم ائشیتمیش کی، گول قولاق اولموش

یئترمی رشتۀ جان گؤوهر یئگانه سینه –
کی، گون کمندی اونون یئتمز آسیتانه سینه.
من محقّری صید ائتدی اول هیلال ابرو –
کی، چرخ رشک آپاریر پایۀ نشانه سینه.
ندیر حیات، دیل و دین کی، ائتمه ییم بیر-بیر،
فدا گیریشمه سینه، نازینا، بهانه سینه.
حرامی کؤنلومه تاپشیردی زرنشان اوخلار –
کی، هر بیری سی دیر پادشاه خزانه سینه.
نولا فغانیم ائشیتمیش کی، گول قولاق اولموش،
آیاغیدان باشاتک بولبولون ترانه سینه.
غم بدن یئتر ای دیل کی، نوباهار کئچر،
وئرینجه مرغ چمن رونق آشیانه سینه.
اگر خبر بیله قوش گوشه ذوق دن قؤوسی،
بلای دامی ائدر اختیار دانه سینه.