هرچندی یاندین اودلارا، قؤوسی، اوسانمادین

ای بیقرار، سینه ده نشترمیسن، نه سن؟
پیکانمیسان، کؤنولموسن، اخگرمیسن، نه سن؟
بیردم سنی اول آتش روخسار یاقمادی،
سن ای حجاب، سد اسکندرمیسن، نه سن؟
رحم ائیله مز فغانینا اول دیلروبا، کؤنول،
سن گبریمی، فیرنگیمی، کافرمیسن، نه سن؟
هیچ کیمسه سنده ائیله مز ایقلاب کیمسه یه،
ای کوی یار عرصۀ محشرمیسن، نه سن؟
مهو ائتدی جاویدان منی شیرین تکللومون،
ای لعل یار، چشمۀ کؤوسرمیسن، نه سن؟
هردم بیر اؤزگه صورتیله باغلادین گؤزوم،
ای آب و رنگ حوسن، فسونگرمیسن، نه سن؟
بیر ناله ناله م ایله هماهنگ ائتمه دین،
ای عندلیب، لالمیسن، کارمیسن، نه سن؟
ای قانلی داغ، آچیلمادین، افسورده لنمه دین،
تصویر برگ لالۀ احمرمیسن، نه سن؟
هرچندی یاندین اودلارا، قؤوسی، اوسانمادین،
آخیر سن ای، اود ائولی سمندرمیسن، نه سن؟