قامتین یادیله هر گاه ناله و آه ائیله رم

ای کی، هرگز سهو بیرله ائتمدین یادیم منیم،
یادین ایلن خاطریم دن اولدو مهو آدیم منیم.
کؤنلومو قویدون گؤز اوسته اولدو ویران، دوست لر،
عاقبت اول رخنه دن بو محنت آبادیم منیم.
صوبح محشر کیم-کیمه پروا قیلیر، هیجران گونو،
نولا اؤلسم، یئتمه سه بیر کیمسه ایمدادیم منیم.
اضطرابیم قید بی میندن دئگیل، قورخوم بودور -
کیم، چیخا جان، اولمایا آگاه صیادیم منیم.
تیغی تند و دست و بازوسی قوی دیر حیف کیم،
ائیله مز پروا، اؤتر بیباک جلادیم منیم.
تا غم آرتار، عؤمروم آرتار؛ چیخسا غم، جانیم چیخار،
بس کی، خو سالمیش غمیله جان ناشادیم منیم.
قامتین یادیله هر گاه ناله و آه ائیلرم،
خم اولوب گردون ائدر تعظیم فریادیم منیم.
قانلی سی دیر کؤنلومون قؤوسی و اشکیم، شاهیدیم،
یئتدی تیغی غوریمه، سن دخی وئر دادیم منیم.