«تبریز» جزبه سی یاخامی توتموش آپاریر

اول لبین شراب وئریب، سونرا قان توتار،
بو دوز اگرچی گئج توتار، آمما یامان توتار.
داغ جنون یاپیشمادی کؤنلونه زاهیدین،
بو مُهری گر قارا داشا باسسان، نشان توتار.
هر سؤز کی، عارضین دن اونون ائیله سن روقم،
خورشید مصرعی کیمی آخیر جاهان توتار.
اول کؤیه، یا بهشته کؤنول باغلاماق گرک،
بیر قوش ایکی چمنده هاچان آشیان توتار.
یک دیر کی، شیشه یه توتا قانینی بولبولون،
هر غنچه نین گولابینی تا باغبان توتار.
تسخیر زولف یاری صبادن دیلر کؤنول،
اوخشار اونا کی، اؤزگه الیله ایلان توتار.
«تبریز» جزبه سی یاخامی توتموش آپاریر،
قؤوسی، اگرچی دامنیمی «اصفهان» توتار.