اثرده عشق سؤزو عقله اوخشاماز، قؤوسی

منه جاهانی قارا ائیله‌میش سپهر کبود،
گؤرون-گؤرون کی، نه اود یاندیریر بو اودسوز دود.
کؤنول بیناسینی یارب، سپهر ییخمیشمی –
کی، آه سینه م ائوین دن گلیر غبار آلود.
اونا نه رنگ ایله احوالیم ائیله ییم رؤوشن –
کی، یاندیریر منی بیر اود نه شعله وار، نه دود.
کؤنول سوراغینی کؤیینده آلمیشام واه کیم،
یامان اوزاغا دوشوب دور بو کعبۀ مقصود.
نه عیبین اولسا اونو عشق ائدر هنر، زاهید،
ولی بو قاپیدا مرد اولمایان اولور مردود.
اثرده عشق سؤزو عقله اوخشاماز، قؤوسی،
بو اودلو نالۀ نئی یوز ترانۀ «داوود».