مطلب منی اویاتماق ایسه بیر اوسانگینن

ائی های کیم، آچیلدی یئنه ای هزار، گول،
چشم تریم دن ائیله‌دی ابر باهار گول.
ازبس کی، آب و تاب ایله لبریزی دیر چمن،
سانمین غریب اگر اولا هر نوک خار گول،
گر لاله-له له گؤز یاشیما باخماسان نولا -
کیم، اؤز-اؤزون آیاغینه ائیلر نثار گول.
شبنم تک اوز یاشیرماق اوچون نعلی اوددا دیر،
بس کیم اوزون دن اولدو سنین شرمسار گول.
تا اولموشام خیالینه، ای رشک نوباهار،
تا مهوم آب و رنگینه ای آبیدار گول.
ائیلرمی غنچه تک منی بیدار عندلیب
بولبول کیمی قیلیرمی منی بیقرار گول:
دؤور فلک بو سرعتیله نَنّنی دیر منه،
سئیلاب ناله سی تننا-تننی دیر منه.

گول بیرله ائتدی عالمی لبریز زر باهار،
هر باغ کونجون ائیله‌دی گنج گؤهر باهار.
آب روانی ائیله‌دی سیمین شکوفه دن،
تورپاغی قیلدی سبزه ایله مشکتر باهار.
بی دست و پا قویارمی منی اول نیگار کیم،
گول برگین ائتدی بولبولچون بال و پر باهار.
اول گولعذاره قارشی مگر کؤنلوم آچیلا،
وئرمز تسلی عاشیق بیتابه هر باهار.
مهو نظاره اولسا گؤزوم عیب گؤرمه کیم،
اوندان منه خبر وئریر ای بیخبر باهار،
واعظ، یئتر فسانه کی، تا فرش دیر چمن،
مطرب، چاخ ائتمه ناله کی، تا جوش اورار باهار،
دؤور فلک بو سرعتیله نَنّنی دیر منه،
سئیلاب ناله سی تننا-تننی دیر منه.

هر کیم کی، اول ستمگر ایله یاد ائدر منی،
احیا وئریر منه، یوخ ایکن وار ائدر منی،
شرم نظارۀ گول رویین نفس-نفس،
گل گؤر نه آب و رنگ لی گولزار ائدر منی.
بس کیم، چمنده یادین ایله اشک تؤکموشم،
هر گول خیال ابر گؤهربار ائدر منی.
هرگاه بیر گؤز آچماغا آهنگ ائدر کؤنول،
نیرنگ تازه صورت دیوار ائدر منی.
آیینه تک سراسر بازار دهریده،
ابر باهار و نالۀ بولبول، نسیم صوبح،
حیرت بو حالی شغل ایله بئکار ائدر منی.
هرچند لحظه-لحظه خبردار ائدر منی.
دؤور فلک بو سرعت ایله نَنّنی دیر منه،
سئیلاب ناله سی تننا-تننی دیر منه.

عشاقه واعظین نفسیندن نه فایده؟
منزیلده کاریوان چاره سیندن نه فایده؟
ایکی جاهاندا زاهیده مئی چون حرام ایمیش،
جنّت هواسینین هوسیندن نه فایده؟
ناصح مدام توبه یه ترغیب ائدر منی،
یارب، اونا بو ملتمسیندن نه فایده؟
بیکاردیر بدن دیل پور شور اولماسا،
چون عندلیب یوخ، قفسیندن نه فایده؟
زولفون نه لازیم ائیله یه زنجیر کؤنلومو،
اول صید بسملین مره سین دن نه فایده؟
ای همسفر، منیم کیمی بیر طفل مشربه،
بردرده طبل کؤچ سسیندن نه فایده؟
دؤور فلک بو سرعت ایله نَنّنی دیر منه،
سئیلاب ناله سی تننا-تننی دیر منه.

ساقی، گتیر شراب، ایچلیم ها-های ایلن
کئچسین باهاریمیز نئجه بیر آه و وای ایلن.
اؤز سینه م ائتمیشم سپر و قارشی دورموشام،
بیر گؤزلری حرامی ایلن، قاشی یای ایلن،
عشاق گون گؤررمی بو دؤوراندا کیم، چیخار،
اول آفتاب گاه ایل ایلن، گاه آی ایلن.
بیر اهل دیل بیلیر نه چکر دیده دن کؤنول،
کیم قونشو اولموش اولا گؤزو آج گدا ایلن.
باخمازسان اشک عالیمه ای سنگدیل کی، من
دریایه رخنه سالمیشام اول قانلی چای ایلن.
مطلب منی اویاتماق ایسه بیر اوسانگینن،
آغریتما خلق باشینی قؤوسی هارای ایلن:
دؤور فلک بو سرعت ایله نَنّنی دیر منه،
سئیلاب ناله سی تننا-تننی دیر منه.