دیوار

واراق دئییل، دیواردی بو،
باشیمی ووردوغوم دیوار.
جؽرماقلایا-جؽرماقلایا
یورولوب دوردوغوم دیوار.

بیر تک-تنها آغاج کیمی
دیبینده بیتدیگیم دیوار.
آغلایاندا بالینج کیمی
اۆزومو سۆرتدوگوم دیوار.

واراق دئییل، دیواردی بو.
گئندن آغارار هر گئجه.
او اۆزوندن کیمسه منی
سسلر، چاغیرار هر گئجه.

من اؤلسم، دئمه‌یین تکم،
آغلایین بیزه آغلایین.
منی دئییب هارای چکن
او یئتیم سسه آغلایین.
بو دیوارین بو اۆزونده
اؤلن رامیزی باسدیرین،
بو دیوارین او اۆزونده
قالان رامیزه آغلایین...