داریخیر

بو نه تهر داریخماقدی،
آخی بئله کیم داریخیر؟!
جیبیمده الیم داریخیر،
آغزیمدا دیلیم داریخیر.

داریخیر قابیم-قاشیغیم،
داریخیر یورغان-دؤشگیم.
ائوده قالسام، ائویم-ائشیگیم.
یول گئتسم، یولوم داریخیر.

یولوما قؽزلار چؽخسالار،
گۆلوب اۆزومه باخسالار،
یاخاما بیر گۆل تاخسالار،
یاخامدا گۆلوم داریخیر.

هارا آتیم بو کدری؟
یوخ حسابی، یوخ قدری،
گؤرونور مندن اؤتری
هارداسا اؤلوم داریخیر.