منو
من ده تانری قوشو اولسام
ا.ایلیسلی‌یه
گۆن دوغسا دا، ایشیقلانماز
عؤمرون قارا گۆنلری.
تانری‌یلا کیم باریشدیرار
بختیندن کۆسنلری؟
جانیمیزا هاردان دولوب
بو دلیلیک هاواسی؟
آغاجلار دا مجنون اولوب
باشیندا قوش یوواسی.
قوشا دؤنوب مولّالار دا،
قونوب مینبر باشینا.
اذان وئریب بو شهری
باسدیرارلار آخشاما.
من ده تانری قوشو اولسام،
من ده قونسام مینبره،
هر نه دئسم کۆفر چؽخار
بلکه بۆتون دینلره.
بلکه منی دؤرد بیر یاندان
نیشان آلار اووچولار
او مینبردن داملا-داملا
قانیم یئره دامجیلار.
بیر یارالی مولّا اوچار
سنه ساری، الهی.
اینصاف ائله بو یارامی
اؤزون ساری، الهی!..
گۆن دوغسا دا، ایشیقلانماز
عؤمرون قارا گۆنلری.
تانری‌یلا کیم باریشدیرار
بختیندن کۆسنلری؟
جانیمیزا هاردان دولوب
بو دلیلیک هاواسی؟
آغاجلار دا مجنون اولوب
باشیندا قوش یوواسی.
قوشا دؤنوب مولّالار دا،
قونوب مینبر باشینا.
اذان وئریب بو شهری
باسدیرارلار آخشاما.
من ده تانری قوشو اولسام،
من ده قونسام مینبره،
هر نه دئسم کۆفر چؽخار
بلکه بۆتون دینلره.
بلکه منی دؤرد بیر یاندان
نیشان آلار اووچولار
او مینبردن داملا-داملا
قانیم یئره دامجیلار.
بیر یارالی مولّا اوچار
سنه ساری، الهی.
اینصاف ائله بو یارامی
اؤزون ساری، الهی!..