دونیا کیچیلیب
بیر عصر، بیرجه گونده بارماقلاریمیزین آلتیندان سُوووشوب کئچیر!
کورهسل یاشاییش
کورهسل سیاست
کورهسل اقتصاد
داعیشین بئله کورهسل اردوسو وار
یوموروقلار سانال
سؤزلر سانال
هر گئجه عاشیق سیزیفلر
کلمهنی چییینلرینه یوکلهییر
تیکرار اوچون ساناللیقدا زیروه آختاریر...
کؤرپهلر دوغولاندا
قیزلارین قولاغینا «بوواری» آدینی پیچیلدانیر
اوغلانلارین آدی دونژوان یازیلیر ساناللیقدا
آداملارین باشلاری دئییل،
جئب تئلفونلارینین کلاویهلری دهوه دریسینین قالیبینا کئچیب
بو کیچیلمیش دونیادا مانقورددان دانیشما منه
بو گون
اینسان آدینا سامسادان دانیش...
سامسا: کافکانین مسخ رمانینین کاراکتری
یای.1394