منو
یاندیریلان کیتابلار
جلاد! سنین قالاق قالاق یاندیردیغین کیتابلار
مین کمالین شهرتی دیر، مین اۆره‌گین آرزوسو
بیز کؤچوروک بو دنیادان، اونلار قالیر یادیگار
هر ورقه نقش اولونموش نئچه اینسان دویغوسو
مین کمالین شهرتی دیر، مین اۆره‌گین آرزوسو
یاندیردیغین او کیتابلار آلوولانیر، یاخشی باخ!
او آلوولار شعله چکیب شفق سالیر ظلمته
شاعرلرین نجیب روحو مزاریندان قالخاراق
آلقیش دئییر عشقی بویوک، بیر قهرمان میلته
او آلوولار شعله چکیب شفق سالیر ظلمته
جلاد! منیم دیلیمده دیر بایاتیلار، قوشمالار
دئ، اونلاری هئچ دویدومو سنین او داش اۆره‌گین؟
هر گرایلی پرده سینده مین آنانین قلبی وار
هر شیکستن اولادیدیر بیر مقدس دیله‌گین
دئ، اونلاری هئچ دویدومو سنین او داش اۆره‌گین؟
سویله، سنمی خور باخیرسان منیم شعر، دیلیمه؟
قوجا شرقین شهرتی دیر فضولینین غزلی!
جلاد! یانیب اود اولسا دا، کوله دونمز آرزولار
طبیعتین آنا قلبی قول دوغمامیش اینسانی!
هر اورگین اؤز دونیاسی بیر سعادت آرزولار
قانلارایله یازیلمیشدیر هر آزادلیق داستانی
طبیعتین آنا قلبی قول دوغمامیش اینسانی!
ازل باشدان دوشمنیمدیر اۆزو میردار قارانلیق
هر توپراغین اؤز عشقی وار، هر ملتین اؤز آدی
کائناتا دئگیشمه‌رم شهرتیمی بیر آنلیق
منم اودلار اولکه‌سینین گونش دونلو اولادی!
هر توپراغین اؤز عشقی وار، هر ملتین اؤز آدی
ندیر او دار آغاجلاری، دئ، کیملردی آسیلان؟
اویونجاقمی گلیر سنه وطنیمین حق سسی؟
دایان! دایان! اویاق گزیر هر اۆرکده بیر اصلان
بوغازیندان یاپیشاجاق اونون قادیر پنجهسی
اویونجاقمی گلیر سنه وطنیمین حق سسی؟
جلاد! سنمی، دئ، قیریرمیسان فدائیلر نسلینی؟
ملتیمین صاف قانی دیر قورد کیمی ایچدیگین قان!
بیر ورقله تاریخلری، اوتان منیم قارشیمدا
آنام تومروس کسمه‌دیمی کیخسروین باشینی؟
کوراوغلونون، ستارخانین چلنگی وار باشیمدا
نسیللریم قویمایاجاق داش اوستونه داشینی
آنام تومروس کسمه‌دیمی کیخسرووین باشینی؟
سور آتینی، دورتنالا چاپ! مئیدان سنیندیر، آنجاق
من گؤرورم آل گئیینیب گلن باهار فصلینی
قوجا شرقین گونشی دیر یاراندیغیم بو تورپاق
من یئتیردیم آل بایراقلی اینقلابلار نسلینی
من گورورم آل گئیینیب گلن باهار فصلینی