زلفو روخون خیالی ایله ذوق لر ائدر

گولشن لر ایچره گر آچیلا صد هزار گول،
سنسیز، گولوم، گلیر گؤزومه نیش خار گول.
سنسیز، تصور ائتمه، گئدیم سئیر باغه من،
صحن چمنده گر آچیلا هر باهار گول.
دؤندردی بولبولون اورگین قانه، عاقبت
اؤز توتدوغو ایشیندن اولوب شرمسار گول.
گر کسمسیدی بولبول زارین قرارینی،
اولمازدی عاقبت اؤزو هم بیقرار گول.
عاشیق چکردی گولشنه مژگان ایله حصار،
گر گؤستریدی بولبوله بیر اعتبار گول.
گؤر ظلم پایه سین کی، شه موستقیل ایکن،
تختیندن اولدو بئش گون ایچینده کنار گول.
بیر گولعذار توپراغیدیر کیم، نوموو ائدر
هر خاک دن کی، چهره قیلیر آشکار گول.
زلفو روخون خیالی ایله ذوق لر ائدر،
همدم اولوبدو سیّده لیل و ناهار گول.