سیّدا، چکمه عبث بار امانت غمینی

منه هجرینده او نوع ایله دئگیل صورت حال
کی، سئوال ائتسن اولا قوۀ تقریره مجال.
گر اؤلن وقت سنین آدینی ذکر ائیله‌مه سم،
گلمه سین کلمۀ توحیدا دلیم، ای گول آل!
نفسیم قطع دیر، آیینۀ رخساروی توت،
تا مشخص اولا، ای گول، سنه کیفیت حال.
ای دئین، بال دئمکله آغیز اولماز شیرین؛
نیه بس ذکر لبیله منه وار لذت بال.
صنما، خال تریندیرمی زنخدانیندا،
یا، دوروبدور طرف چشمۀ زمزمده بیلال؟
بیلمز اول طفل هله شیوۀ معشوقه لیگی،
شیر مادر تکی قانینی بیلیر، لیک، حلال.
کاتیب سون چکر طرح قاشین پیوسته،
یا هر آی باشی دوشر چرخه قاشیندان بو مثال؟
سیّدا، چکمه عبث بار امانت غمینی،
چک ایاغ، ایچ مئی گولفامی، دئگیلسن حمال.